कसरी अभिवादन गर्ने – चुम्बन | एक आध्यात्मिक दृष्टिकोण

१. प्रस्तावना

संस्कृति या सन्दर्भ अनुसार, चुम्बन विभिन्न भावनाहरु व्यक्त गर्न सक्छ जस्तै प्रेम, खुसि, स्नेह, सम्मान, अभिवादन, मित्रता र शुभकामना इत्यादि । साथै संस्कृति, सम्बन्ध र सन्दर्भ अनुसार एक व्यक्तिले अर्को व्यक्तिको ओठ, गाला, निधार र हातमा चुम्बन गर्छन् र यी सबै कृत्यको भिन्न सामाजिक महत्त्व हुन्छ । आजकल, विशेषतः पश्चिमी संस्कृतिमा गालामा चुम्बन अभिवादनको एक सामान्य रुप हो ।

अभिवादनहरूमा आध्यात्मिक अनुसन्धानको हाम्रो शृङ्खलाको यस भागमा, हामी आध्यात्मिक दृष्टिकोणबाट चुम्बनको प्रभावहरूलाई हेर्नेछौं ।

२. अभिवादनबारे पृष्ठभूमि जानकारी

सुरुमा, हामी तपाईलाई हाम्रो लेख, ‘अभिवादनको आध्यात्मिक परिप्रेक्ष्य‘ सँग परिचित हुन अनुरोध गर्दछौं । यो लेख बुझ्नको लागि आवश्यक पृष्ठभूमि जानकारी प्रदान गर्दछ । यस लेखले व्याख्या गर्दछ कि जब अभिवादनमा स्पर्श समावेश हुँन्छ, सूक्ष्म-शक्तिहरु आदान-प्रदानको लागि प्रवृत्त हुन्छ ।  आध्यात्मिक अनुसन्धान मार्फत हामीले थाहा पाएका छौं कि अधिकांश मानिसहरू केहि हदसम्म अनिष्ट शक्तिबाट प्रभावित हुन्छन् । परिणामस्वरुप, स्पर्श वा अँगालोद्वारा दुई मानिसहरु बिच सूक्ष्म-शक्तिहरुको आदान-प्रदान आध्यात्मिक दृष्टिले हानिकारक हुन सक्छ । हामी मध्ये धेरैले यो हानिकारक प्रभाव बुझ्न सक्दैनौं किनभने हामीसँग छैठौं इन्द्रियको क्षमता हुँदैन ।

३. स्पर्श समावेश अभिवादन सम्बन्धि सूचना

जब अभिवादनमा स्पर्श समावेश हुन्छ, निम्न कुराहरुलाई ध्यानमा राख्न सकिन्छ । स्पर्श समावेश नभएको अभिवादनको तुलनामा स्पर्शयुक्त अभिवादनमा १००% सम्म आध्यात्मिक वा सूक्ष्म-शक्तिहरूको स्थानान्तरण बढ्न सक्छ । (नकारात्मक शक्तिको प्रकार अनुसार एकअर्काको आँखामा हेर्दा पनि सूक्ष्म-शक्तिको आदानप्रदान हुन्छ।)

४. चुम्बनमा आध्यात्मिक अनुसन्धान

माथिको तालिकामा उल्लेख गरिए अनुसार मुखबाट मुख चुम्बन गर्दा सूक्ष्म-शक्तिहरू सबैभन्दा सहज र अधिक स्थानान्तरण हुन्छ । अनिष्ट शक्ति सामान्यतया मुख, नाक, कान आदिको माध्यमबाट व्यक्तिमा प्रवेश गर्दछ । खाना ग्रहण गर्नु एक सरल पद्धति हो जसले अनिष्ट शक्ति व्यक्तिलाई प्रभावित गर्न सक्दछ ।

आध्यात्मिक दृष्टिकोणबाट, मुखलाई अशुद्ध रिक्त मानिन्छ । यसको दुई कारणहरु छन् :

• पहिलो कारण मुखमा आपतत्त्वको प्रभुत्व हुन्छ । आपतत्त्वको एउटा विशेषता यो हो कि त्यसमा अनिष्ट र सकारात्मक शक्तिलाई राख्ने क्षमता हुन्छ । (धेरै जसो मानिसहरु नियमित रुपमा साधना गर्दैनन् र सांसारिक चीजहरुप्रति बढी आकर्षित हुन्छन् । कुनै पनि आध्यात्मिक उद्देश्य बिना सांसारिक चीजहरूको आकर्षणले व्यक्तिमा अनिष्ट तरङ्गहरू उत्पन्न र आकर्षित गर्दछ । यसले व्यक्ति अनिष्ट शक्तिबाट प्रभावित हुनको सम्भावना बढ्छ ।) मुख यस्तो ठाउँ हो, जहाँ अनिष्ट शक्ति एकत्रित हुन सक्छ विशेषतः आपतत्त्वको प्रधानताको कारण । परिणामस्वरूप व्यक्तिको मुखको सम्पर्क छाला अथवा अर्को व्यक्तिको मुखसँग हुन्छ भने निश्चितरूपमा त्यहाँ अनिष्ट शक्तिहरुको आदान-प्रदान हुन्छ ।

• मुखलाई अपवित्र रिक्त मान्नुको अर्को कारण हो, मुख श्वासप्रश्वास र पाचन प्रणालीको लागि एउटा नाली हो । यस कारण, शरीर प्रणालीहरूबाट अनिष्ट शक्तिको प्रवेश र निष्कासन सबै मुखबाट हुन्छ । एक व्यक्तिबाट अर्को व्यक्तिमा हस्तान्तरण हुनु अधि यी तन्त्रहरुको अनिष्ट शक्ति मुखमा हुन्छन् ।

अर्को व्यक्तिलाई हात मिलाएर छुनु भन्दा अर्को व्यक्तिको मुखमा चुम्बन गर्दा यौन अत्कंठा उत्पन्न गर्दछ । यसले सामान्यतया अर्को व्यक्तिमा भावनात्मक प्रतिक्रिया निम्त्याउँछ जसले मनलाई सम्भावित रूपमा अस्थिर बनाउन सक्छ । मनको कुनै पनि अस्थिरतालाई अनिष्ट शक्तिहरूले फाइदा लिन सक्छन् किनभने तिनीहरूसँग कसैको भावनालाई बढाइचढाइ गरेर हानिकारक तरिकामा अझ बढी भावनात्मक बनाउने क्षमता हुन्छ ।

तल दिएको सूक्ष्म-ज्ञानमा आधारित रेखाचित्रले एक व्यक्तिले अर्को व्यक्तिलाई गालामा चुम्बन गर्दा सूक्ष्म-शक्तिको आदानप्रदान देखाउँछ । यस विशेष अवस्थामा, संलग्न व्यक्तिहरू मध्ये एक व्यक्ति अनिष्ट शक्तिको कब्जामा छ भने अर्को व्यक्ति अनिष्ट शक्तिबाट प्रभावित छ । SSRF द्वारा गरिएको आध्यात्मिक अनुसन्धान अनुसार, विश्वको करिब ३०% जनसंख्या अनिष्ट शक्तिको कब्जामा छन् । लगभग सबै अवस्थामा, कब्जा भएको व्यक्तिलाई थाहानै हुँदैन की ऊ अनिष्ट शक्तिद्वारा नियन्त्रित छ ।

सूक्ष्म-ज्ञानमा आधारित यो रेखाचित्र श्रीमती पूज्य योया वालेले छैठौं इन्द्रिय दृष्टिबाट बनाउनु भएको हो । यो रेखाचित्र परम पुज्य डा. आठवलेद्वारा प्रमाणित गर्नु भएको छ । उन्नत छैठौं इन्द्रिय मार्फत जाँच गर्दा सूक्ष्म-ज्ञानमा आधारित यस रेखाचित्र ८०% सहि पाइयो ।

निम्नलिखित सारणीमा उपर्युक्त सूक्ष्म-ज्ञानमा आधारित चित्रको विभिन्न पक्ष विस्तृत रूपमा दर्शाएको छ । निम्नलिखित सारणीलाई राम्ररी बुझ्नको लागि कृपया चक्र सम्बन्धी लेख पढनुहोस् ।

अर्को व्यक्तिलाई चुम्बन गर्दा समान्यतया अनिष्ट तरङ्गहरु उत्पन्न हुन्छ, जसले गर्दा वातावरणको अनिष्ट शक्ति आकर्षित हुन्छ । अभिवादनको सबै शैलिहरु मध्ये, चुम्बन वास्तवमा सर्वाधिक तम प्रधान तरङ्ग उत्पन्न गर्ने पद्धति हो । अनिष्ट शक्तिको कब्जामा रहेको व्यक्तिलाई चुम्दा नकारात्मक परिणामहरु धेरै दिनसम्म रहन सक्छ, जस्तै उदाहरणको लागि निराशा, नकारात्मक विचार, अत्यधिक विचारहरु इत्यादि । प्रभावित व्यक्ति आध्यात्मिक विश्व देखि अनभिज्ञ हुन्छ र यो बुझ्न सक्दैन कि यो आध्यात्मिक आयामको कारण भैरहेको छ ।

यस नियमको केहि अपवादहरु छन्  :

• प्रेमको प्रकार अनुसार : आफन्त, आफ्नो जीवनसाथी तथा आमाद्वारा बच्चालाई चुम्नाले केहि मात्रामा सकारात्मक तरङ्ग उत्पन्न हुन सक्छ । यो सकारात्मकता प्रेमको प्रकारमा निर्भर गर्दछ की प्रेम अपेक्षा सहित हो अथवा अपेक्षा बिना । यही कारणले आमाद्वारा बच्चालाई चुम्नाले, उनको प्रेम तथा बच्चा प्रति सदभावको कारण सकारात्मक तरङ्ग उत्पन्न हुने सम्भावना अधिक हुन्छ । यसको विपरीत आमा र बच्चाको सम्बन्ध तनावपूर्ण भएमा, त्यहाँ सकारात्मक परिणाम हुँदैन ।
• आध्यात्मिक स्तर अनुसार :  उपरोक्त उदाहरणको साथमा, यदि अनिष्ट शक्तिको कब्जामा भएको व्यक्तिले ६० प्रतिशत भन्दा अधिक आध्यात्मिक स्तरको व्यक्तिलाई चुम्छ भने, अनिष्ट शक्तिको कब्जामा भएको व्यक्तिमा उपचारात्मक परिणाम हुन्छ । यसको कारण हो ६० प्रतिशत भन्दा अधिक आध्यात्मिक स्तर भएको व्यक्तिबाट सत्त्व प्रधान तरङ्गहरु प्रक्षेपित हुन्छ, जसमा आध्यात्मिक उपचारात्मक क्षमता हुन्छ ।

यदि हामी सदभावको साथ मित्र र परिचित मानिसहरुलाई चुम्दछौं भने, त्यो सदभाव नगण्य हुन्छ; किनभने यस्तो चुम्बन सामान्यतया नियमित हात मिलाउने कार्य जस्तै हुन्छ । यस्तो परिस्थितिहरुमा भावनाहरु सतही हुन्छन् जसले सकारात्मक तरङ्गहरु उत्पन्न हुँदैन र कुल परिणाम अनिष्ट तरङ्ग उत्पन्न हुने सम्भावना अधिक हुन्छ ।

५. चुम्बनको हानिकारक आध्यात्मिक प्रभावबाट बच्ने

यो लेखको उद्देश्य हाम्रो दैनिक क्रियाकलापहरुको आध्यात्मिक परिणाम  बारे सचेत गराउनु हो, भयभीत गराउनु होइन । हामी माथि हानिकारक प्रभाव हुने कुराको जानकारी भएमा हामी त्यसको रोकथामको लागि उपाय अपनाउन सकछौं ।

निम्नलिखित सूत्रहरु ध्यान दिन सक्छौं :

• सर्वाधिक सुरक्षित आध्यात्मिक विकल्प हो, चुम्बन गरेर व्यक्तिहरूलाई अभिवादन गर्ने अथवा कुनै पनि प्रकारको स्पर्श गर्नु भन्दा नमस्कार गरेर अभिवादन गर्नु ।
• यदि हामी कसैलाई चुम्बनबाट टालन सक्दैनौ भने, यो गर्न सक्छौं :
  • • निरन्तर ईश्वरको नामजप गर्नाले एउटा सूक्ष्म सुरक्षा-कवच बन्दछ, जसबाट अनिष्ट शक्तिको प्रभाव न्यूनतम हुन्छ ।
    • सुरक्षाको लागि प्रार्थना गर्नाले पनि सुरक्षा-कवच दृढ हुनमा सहायता हुन्छ ।
    • संलग्न मानिसहरुलाई असर गर्ने अनिष्ट शक्तिहरु बीच कालो ऊर्जाको आदानप्रदान रोक्नको लागि प्रार्थना गर्दे ।