ஆடைகளில் இருந்து துர்நாற்றத்தை அகற்றி நமது உடமைகளை எப்படி பாதுகாப்பது

இந்தக் கட்டுரையைப் புரிந்துகொள்ள, பின்வரும் கட்டுரையை நன்கு அறிந்திருக்குமாறு நாங்கள் பரிந்துரைக்கிறோம்

• ஆடைகளும், வாசனையும் – ஆடைகளில் நல்ல மற்றும் தீய சக்திகள் எவ்வாறு தாக்கத்தை ஏற்படுத்துகின்றன

1. முன்னுரை

நம் உடலுக்கு மிகவும் நெருக்கமாக இருப்பது ஆடைகள் மற்றும் நமது தனிப்பட்ட உடமைகளேயாகும். நல்ல மற்றும் தீய சக்திகளால் வாசனை மட்டத்தில் ஆடைகளில் எவ்வாறு தாக்கம் ஏற்படுத்தப்படுகிறது என்பதைப் பற்றி முந்தைய கட்டுரையில் பார்த்தோம். இன்றைய காலகட்டத்தில் தீய சக்திகள் மிகவும் செயல்பாட்டுடன் இருப்பதால், அவை நம் ஆடையில் விரும்பத்தகாத வாசனையையும், சூட்சும கருப்புசக்தி படலத்தை உருவாக்குதல் போன்ற பல வழிகளில் நம்மை பாதிப்படையச் செய்கின்றன.

நமது அன்றாட வாழ்க்கையிலும், ஆன்மீகப்பயிற்சியிலும் தடைகள் உருவாக்கும் இந்த சூட்சும வாசனை மற்றும் கருப்பு சக்தி படலத்தைப் பற்றி நம்மில் பலருக்குத் தெரிந்து இருக்காது. ஆன்மீக பயிற்சியின் மூலம் பெறப்பட்ட ஆன்மீக சக்தியை 70% வரை நமது ஆடைகள் மற்றும் தனிப்பட்ட உடமைகள் மீது அவற்றின் தாக்கத்தை எதிர்கொள்ள நாம் பயன்படுத்தவேண்டும்.

இந்தக் கட்டுரை உங்கள் ஆடைகள் தீய சக்திகளால் பாதிக்கப்பட்டுள்ளதா, இல்லையா என்பதை அறிய உதவுவதோடு உடமைகளை ஆன்மீக ரீதியில் தூய்மைப்படுத்தவும், தீய சக்திகளின் தாக்குதல்களில் இருந்து அவற்றைப் பாதுகாக்கவும் மேற்கொள்ளவேண்டிய நடைமுறைகளைப் பற்றியும் பரிந்துரைக்கிறது.

தீய சக்திகளால் பாதிக்கப்படாத ஆடைகளுக்கு கூட ஆன்மீக நிவாரண முறைகள் ஒரு தடுப்பு நடவடிக்கையாக, மிகவும் பயனுள்ளதாக இருக்கும்.

2. நமது ஆடைகள் தீய சக்திகளால் பாதிக்கப்பட்டுள்ளதா என்பதை எவ்வாறு அறிவது

2.1 கண்களால் எளிதில் அடையாளம் காணக்கூடியது

உயிரற்ற பொருட்களின் மீதான தீய சக்திகளின் தாக்குதல்கள் என்ற பிரிவில், தீய சக்திகள் ஏற்படுத்தும் பார்வைக்கு புலப்படும் பல்வேறு வகையான பாதிப்புகளை பற்றி விளக்கியுள்ளோம்.

நமது ஆடைகளை பரிசோதிப்பதில் விழிப்புடன் செயல்பட்டு கீழே கூறியுள்ளபடி ஸ்தூல (பௌதீக) ரீதியான சாத்தியமான காரணங்களை அறிவுப்பூர்வமாக நிராகரிக்கலாம் :

• ஆடைகள் அல்லது பொருட்களின் மீது எதையாவது தெளித்து அல்லது கொட்டிவிட்டேனா?

• என்னை அறியாமல் காயம் அடைந்து அதனால் ஆடைகளில் இரத்தக் கறை ஏற்பட்டதா?

• துவைக்கும் போது துணி மென்மையாக்கி, வாசனை திரவியம், அல்லது வேறு விதமான சோப்புகளைப் பயன்படுத்தியுள்ளேனா?

2.2 சூட்சும புலன்கள் மூலம் அடையாளம் காணக்கூடியவை

• ஒருவர் குமட்டல் உணர்வை உணருதல் அல்லது வாந்தி எடுப்பது

• ஆடைகளை வைத்திருக்கும்போது கைகள் அல்லது தலையில் பாரமாக உணருவது

• பல்வேறு தேவையற்ற எண்ணங்கள் மனதில் வர ஆரம்பித்தல் அல்லது மனமும் புத்தியும் மரத்துப் போக துவங்குதல்

• நாமஜபம் அல்லது இறைச்சிந்தனை நின்றுவிடுதல்

ஒருவர் சூட்சும நுகர்வு, பார்வை, தொடுதல் போன்றவை மூலம் ஆடைகளில் கருப்பு சக்தி இருப்பதை எவ்வாறு உணரமுடியும் என்பதற்கான சில எடுத்துக்காட்டுகள் கீழே கொடுக்கப்பட்டுள்ளன.

3. ஆன்மீக நிலையில் ஆடைகளை எவ்வாறு தூய்மைப்படுத்துவது

3.1 துணிகளைத் துவைத்தல்

துணிகளைத் துவைப்பதன் மூலம் துர்நாற்றத்தின் தீவிரம் குறைகிறது. ஆடையில் இருக்கும் நிலத்தத்துவத்தின் மீது பரிபூரண நீர் தத்துவம் செயல்படுவதால் தீய சக்தி அழிக்கப்படுகிறது.

படி1	படி2	படி3
துணிகளை ஊறவைக்க அல்லது துவைக்கப் பயன்படும் தண்ணீருடன் கல் உப்பு அல்லது எஸ்.எஸ்.ஆர்.எஃப் தூபக் குச்சிகளிலிருந்து கிடைக்கும் புனித சாம்பலை (விபூதி) கலக்கவும். கல் உப்பு கிடைக்காவிட்டால் , கடல் உப்பு படிகங்கள்/ டேபிள் உப்பைப் பயன்படுத்தலாம், ஆனால் இதன் செயல்திறன் கல்லுப்பைப் பயன்படுத்திக் கிடைப்பதை விட 30% குறைவானதாக இருக்கும்.	கடவுளிடமும், துணிகளை ஊறவைப்பதற்கும் துவைப்பதற்கும் பயன்படுத்தப்படும் தண்ணீரில் உள்ள தெய்வீக நீர் தத்துவத்திடமும், ஆடைகளில் உள்ள கருப்பு சக்திகள் அனைத்தும் அழிக்கப்பட்டு, ஒவ்வொரு ஆடையும் தூய்மையாக வேண்டும் என்று பிரார்த்தனை செய்யுங்கள்.	வாஷிங் மெஷினின் மேல் இரண்டு சிறிய அளவிலான வெற்றுப்பெட்டிகளை வைக்கவும் (ஒரு பெட்டியின் திறந்த முனை துணிகளின் திசையையும், மற்ற பெட்டியின் திறந்த முனை மேல்நோக்கியும் இருக்குமாறு வைக்கவும்). துணிகள் மற்றும் வாஷிங் மெஷினிலிருந்துகருப்பு சக்தியை பெட்டிகளுக்குள் இழுக்க பிரார்த்தனை செய்யவும்.

வேறு சில முக்கியமான குறிப்புகள் :

• சலவைப்பொடி/ டிடர்ஜெண்ட் மற்றும் துணி மென்மைப்படுத்திகள் வலுவான மணம் கொண்டிருக்கக் கூடாது, ஏனெனில் அதில் நிறைய இரசாயனங்கள் இருப்பதால் அவை கஷ்டம் தரும் சக்திகளை ஈர்க்கும். துணி மென்மைப்படுத்திகள் ஆடைகளுக்கு மாயை மணத்தை அளித்து அவற்றை எதிர்மறையாகப் பாதிப்பதால் முடிந்தளவு அதை பயன்படுத்த வேண்டாம்.

• கடுமையாகப் பாதிக்கப்பட்ட ஆடைகளை, மிதமான அல்லது லேசான பாதிப்புள்ள ஆடைகளுடன் கலக்கக்கூடாது. மிகவும் பாதிக்கப்பட்ட ஆடைகளில் இருந்து வரும் தீய சக்தி மற்ற ஆடைகளை பாதிக்கும்.

3.2 ஆடைகளை உலர்த்துதல்

ஆடைகளை வெயிலில் உலரவைத்தால் அவற்றிலுள்ள தீய சக்திகள் பரிபூரண நெருப்பு தத்துவத்தின் காரணமாக வேகமாக அழிக்கப்படுகின்றன.

படி 1	படி 2
ஆடைகளை முடிந்தவரை வெளியே வெயிலில் அதிக நேரம் உலர விடவும். ஆடைக்குள் இருக்கும் கருப்பு சக்தி அனைத்தும் அழிக்கப்பட்டு, சைதன்யத்துடன் தூய்மைப்படுத்தப்பட வேண்டும் என்று சூரிய தெய்வமிடம் நாம் பிரார்த்தனை செய்யலாம்.	சூரிய அஸ்தமனத்திற்குப் பிறகு தீய சக்திகளின் தாக்கம் இருப்பதால், ஆடைகளை சூரியன் மறைவதற்குள் உள்ளே எடுத்து வையுங்கள்.

வேறு சில முக்கியமான குறிப்புகள் :

• ஆடைகளை துவைத்தபின் அதிக நேரம் தண்ணீரில் ஊற வைத்தால் அவைகளில் துர்நாற்றம் ஏற்படும். எனவே, அவற்றை விரைவில் உலரவைக்க வேண்டும். மேலும் அவை தீய சக்திகளால் தாக்கப்படாமல் இருக்க பிரார்த்தனை செய்யலாம்.
• ஆடைகளை வெயிலில் காயவைக்க இடமில்லை என்றால், பரிபூரண காற்றுத் தத்துவத்தின் மூலம் ஆன்மீக நிவாரணமடைய பிரார்த்தனை செய்யலாம். ஊதுபத்தியிலிருந்து வரும் புகை துணிகளின் மேல் செல்லும் வகையில் தொங்கும் ஆடைகளுக்குக் கீழே ஒரு எஸ்.எஸ்.ஆர்.எஃப் ஊதுபத்தியையும் ஏற்றி வைக்கலாம்.

3.3 உலர்த்திய பிறகு

படி 1: ஆடைகளை அதன் பாதிப்பு நிலைக்கு ஏற்ப வகைப்படுத்தவும்	படி 2: ஆன்மீக நிவாரண முறையைப் பயன்படுத்துங்கள்
இலேசான, மிதமான மற்றும் தீவிரமான பாதிப்புடைய ஆடைகளை தனித்தனியான இடங்களில் வைக்கலாம்.	> எஸ்.எஸ்.ஆர்.எஃப் ஊதுபத்தியின் சாம்பலை (விபூதி) துணிகளில் > துணிகளைச் சுற்றி வெற்றுப் பெட்டிகளை வைக்கலாம். இதனால் பெட்டிகளில் செயலில் உள்ள பரிபூரண ஆகாயத் தத்துவத்தின் காரணமாக ஆடைகளில் உள்ள கருப்பு சக்தி அழிக்கப்படுகிறது. > தெய்வங்களின் படங்கள் அல்லது நாமப்படிவங்களை ஆடைகளிலும் அவற்றைச் சுற்றிலும் வைக்கவும். தீய சக்திகளின் தாக்குதல் அதிகமாக இருக்கும் ஆடையின் பாகங்களில் தெய்வத்தின் படங்களை வைக்கவும். உதாரணமாக ரவிக்கை மற்றும் சட்டைகளின் உள்ளே,மேலும் சட்டைகள், கோட்டுகள் அல்லது சூட்டுகள் போன்றவை பெரும்பாலும் ஹேங்கரில் தொங்கவிடப்படுவதால், ஒவ்வொரு ஹேங்கரிலும் நாமப்படிவங்களை பயன்படுத்தலாம். > தெய்வீக உணர்வு நிறைந்த இடத்தில் எப்போதாவது ஆடைகளை வைக்க முயற்சி செய்யலாம், உதாரணமாக வீட்டின் வழிபாட்டு அறை அருகில்.