यस लेखलाई राम्रोसँग बुझ्नको लागि हामी तपाईलाई निम्न लेखहरुसँग परिचित हुन सुझाव दिन्छौं :

१. सत्व, रज, तम – ब्रह्माण्डको ३ सूक्ष्म मूलभूत तत्वहरु 

२. सात्विक जीवन अवधारणाको प्रस्तावना (दैनिक जीवनमा आध्यात्म)

३. कसरी लुगा लगाउने ? – हामीले लगाउने लुगाको आध्यात्मिक प्रभाव

१. नाइलन कपडा (लुगा) को आध्यात्मिक पक्षहरुको परिचय

नाइलनको कपडा अधुनिक समयमा अलमारीको एउटा अनिवार्य हिस्सा बनेको छ । यसको प्रयोगको सूची विविध रहेको छ र यसमा महिलाहरुको लागि मोजा (स्टॉकिंग्स), ट्र्याक प्यान्ट, खेलकूदको लुगा, छोटो पतलून, मोजा र वायुरोधी ज्याकेट (विंडब्रेकर) सम्मिलित छन् । तथापि प्रत्येक लुगा केवल भौतिक स्तरमा मात्रै नभएर आध्यात्मिक स्तरमा पनि आफ्नो विशेषता र गुणको समूहको साथ आउँदछ । लुगा लगाएपछि, लुगामा भएको प्रधान सूक्ष्म आध्यात्मिक स्पनदनले हाम्रो आध्यात्मिक स्तरलाई प्रभावित गर्दछन् ।

यदि लुगा सत्व प्रधान छ भने आध्यात्मिक स्तरमा यसले हाम्रो सहायता गर्दछ । यदि लुगा तम प्रधान छ भने आध्यात्मिक स्तरमा हामीलार्इ लुगाबाट हानि हुन्छन् । आध्यात्मिक स्तरमा नकारात्मक प्रभाव प्राय: मनोवैज्ञानिक र शारीरिक स्तरको प्रावाहमा प्रभाव पार्दछ । उदाहरणको लागि कसैले अशान्त मन, माइग्रेन अथवा अष्पष्ट सोच अनुभव गर्न सक्छन् ।

यस लेखमा हामी नाइलन लुगाको आध्यात्मिक गुण र यसले हामीमा पार्ने प्रभावहरु अध्ययन गर्नेछौं ।

२. नाइलनबाट बनेको कपडा (लुगा) मा आध्यात्मिक अनुसन्धान

नाइलनको लुगा मानव निर्मित र रसायन युक्त हुन्छ । फलस्वरूप दिव्य सिद्धान्तणलाई आकर्षित गर्ने र बनाइ राख्ने क्षमता प्रतिबन्धित हुन्छ । जसले गर्ना नाइलन कपडाहरु रज–तम प्रबल हुन्छन् । आध्यात्मिक आयामबाट भूतहरुजस्ता अनिष्ट शक्ति रज–तम प्रधान हुने कुनै पनि वस्तुहरु तर्फ आकर्षित हुन्छन् । वास्तवमा यस प्रकारको लुगा लगाउने व्यक्तिमाथि अनिष्ट शक्ति (भूत, राक्षस, पिशाच, आदि) द्वारा सूक्ष्म आक्रमण गर्ने तीव्रता उच्च हुन्छ ।

यस पक्ष लगायत सकारात्मक स्पनदनबाट चार्ज हुने क्षमता सीमित भएको हुनाले, नायलनको लुगाहरुलाई प्रभावित गरेर मानिसहरुलाईप्रभावितगर्नअनिष्ट शक्तिलाई सजिलो माध्यम बन्दछ । उदाहरणको लागि, यदि एउटी स्त्रीले नाइलनको मोजा लगाउँछिन् भने, उनी अनिष्ट शक्तिद्वारा सजिलै प्रभावित हुन सक्छिन् ।

३. आध्यात्मिक परिप्रेक्ष्यबाट नाइलन कपडा (लुगा) को गुणहरुमा आध्यात्मिक अनुसन्धान

यस खण्डमा, हामीले छैठौं इन्द्रिय दृष्टि भएका पूज्य श्रीमती योया भ्यालीज्यूले बनाउनु भएको सूक्ष्म–ज्ञानमा आधारित रेखाचित्र साझा गर्नेर्छौं । भगवानको कृपा र धेरै वर्षको नियमित आध्यात्मिक अभ्यासले, पूज्य योया आध्यात्मिक आयाम देख्न सक्षम हुनुहुन्छ, जसरी हामी भौतिक आयाम देख्न सक्छौं । आध्यात्मिक ज्ञानमा आधारित रेखाचित्रहरू बनाउँनु भएर पूज्य योयाले आध्यात्मिक आयामलाई हेर्ने आफ्नो अद्वितीय क्षमता हामीसँग साझा गर्नु भएको छ । सूक्ष्म–ज्ञानमा आधारित पू. योयाको सबै रेखाचित्रहरु प्रकाशित हुनु अघि परम पूज्य डा. आठवलेज्यूले प्रमाणीकरण गर्नु हुन्छ ।

सूक्ष्म–ज्ञानमा आधारित यस रेखाचित्रको शुद्धता ८०% छ जुन एउटा औसत सूक्ष्म या दावेदार कलाकारको क्षमता भन्दा धेरै माथि छ ।

पू. योयाज्यूले जे अनुभव गर्नु भयो त्यसको साथ सूक्ष्म–ज्ञान माथि आधारित चित्रको विवरण निम्नलिखित छ :

• नाइलनको कपडा सात्त्विक प्रकृतिको हुँदैन । नायलन कपडाको बनावट राम्रो हुँदैन । नायलन कपडा सिंथेटिक फायबरबाट बनाइन्छ । त्यसैले यसमा सूक्ष्म कष्टदायक शक्तिको कण निर्मित हुन्छ र यो लुगाको सबैतर्फ सक्रिय रूपमा संरक्षित हुन्छ ।

• तदनुसार वातावरणमा विद्यमान कष्टदायक शक्ति कपडातर्फ आकर्षित हुन्छ ।

• कष्टदायक शक्ति भन्दा अतिरिक्त, नाइलनको लुगामा अनेक प्रकारको नकारात्मक स्पनदनहरु हुन्छन् । तिनीहरु आपसमा मिश्रित हुन्छन् र तीव्र गतिले सक्रिय हुन थाल्छन् र निरन्तर सक्रिय रूपमानै रहन्छन् । परिणामस्वरुप, नाइलन वस्त्र धारण गर्ने व्यक्ति व्याकुल र भ्रमित हुन्छ ।

• जब नाइलनको कपडामा विभिन्न रंग दिन र त्यसमा डिजाइनहरु छाप्न रासायनिक प्रक्रिया गरिन्छ, त्यसमा विद्यमान कष्टदायक शक्तिको अनुपात १.५ प्रतिशत सम्म बढ्न सक्छ ।

नाइलनको कपडाको सूक्ष्म–परीक्षण गर्ने समयमा पूज्य योयाले आफ्नो मनोभाव यस प्रकार व्यक्त गर्नु भयो ।

४. नाइलन कपडा लगाउने बारे प्रमुख बिन्दुहरु

माथि लेखमा दिए अनुसार, सबै भन्दा उत्तम हुन्छ कि, मानव निर्मित कपडा जस्तै नाइलन कपडाहरु लगाउनबाट यथा सम्भव टाढा रहनुहोस् । कपास, रेशम र ऊन जस्ता सामग्रीहरु प्राकृतिक र सत्त्व प्रधान हुन्छन् । नियमित साधना जस्तै नामजपले हामीलाई आध्यात्मिक सुरक्षाकवच प्राप्त गर्नमा सहायता गर्दछ, जसले सूक्ष्म जगतको हानिकारक तत्त्व देखि हाम्रो रक्षा हुन्छन् । नियमित साधनाले हामीलार्इ सात्त्विक के हो र तामसिक के हो भन्ने भित्री समझ प्राप्त गर्न मद्दत गर्छ । यसलाई बुझ्न थालेपछि थप सात्त्विक जीवन व्यतीत गर्नको लागि परिवर्तन गर्न सरल हुन्छ ।